Jatorriaren Historia
Nahiz eta ez dagoen Altzueta Sagardotegiaren sorkuntza data zehatzik, zenbait dokumenturen arabera 1878. urtean jada saltzen zen gure sagardoa eta horretan jarraitzen dugu 4. belaunaldian.
Historia
Nahiz eta ez dagoen Altzueta Sagardotegiaren sorkuntza data zehatzik, zenbait dokumenturen arabera 1878. urtean jada saltzen zen gure sagardoa eta horretan jarraitzen dugu 4. belaunaldian.
Historia
Sagardoaren lehengaia, sagarra, betidanik izan da Altzuetako lur sailetan behinola ganadua eta baratza lantzen ziren eta baserrian.
Elaborazioa
Altzueta GORENAK kalitate zigiluaren parte da, Euskal Herriko 13 sagardo gorenenetako bat da. Euskal sagardoaren lehen talde marka da GORENAK eta bertako sagardo onenak identifikatzea du xede.
Urtarrila bukaeratik Apirilara biak barne
Udazkenean mimoz prestatutako sagardoak txotx garaian dasta daitezke kupeletatik Altzueta Sagardotegian. Sagardotegiko ohiko menua eskaintzen dute garai honetan: etxeko mokadua ZURRUKUTUNA, bakailao tortilla, bakailao frijitua piper eta tipularekin / bakailaoa saltxan (etxeko berezitasuna), txuleta eta gazta sagar dultzearekin, INTXAURRAK ETA TOLOSAKO TEJA ETA ZIGARRILOAK. Otorduaren ondoren barra irekita egoten da bazkalostean kafea hartzeko. Otorduan aurrera, aukera izango da zutitu eta kupeltegiko arduradunaren eskutik etxeko kupeltegietan barrena itzulia egiteko sagardo desberdinak probatuz.
Ekainetik Irailera biak barne
Udarako ilunabar epel eta atseginez behar den bezala gozatzeko Altzueta Sagardotegiak aukera berria eman nahi izan zion orain urte batzuk bere bezeroari. Behin sagardotegi garaia igarota etxe ataria egokitu eta uda garaiari ekiten dio. Sagardotegi denboraldiko platerez gain, olagarroa, HEGALUZEA eta begihandia parrillan, garaiko tomate eta piperrak eta postre eskaintza berezia prestatzen du etxeak. Euskal Sagardoa botilan bihurtzen da sasoi honetako protagonista eta otorduan zehar etxeko sagardoak dastatu ahal izango ditu gerturatzen denak.
Bisita eta bazkaria Altzueta sagardotegian
Zatoz Altzueta Sagardotegia bisitatzera eta murgildu gure familiaren eta Euskal Sagardoaren historia liluragarrian! Bertako gastronomiaz gozatzera eseri aurretik, gure sagasti eta upeltegian zehar bisita gidatua erreserbatzeko aukera eskaintzen dizugu.